Qaydalar

Qərəzsizliyi, çevikliyi və peşəkarlığı təmin etmək üçün E-nəzarət platforması aşağıdakı QAYDALARI rəhbər tutur:

Qayda 1. Bütün müraciətlərin məzmunu ilkin yoxlanışdan keçir
İlkin yoxlanışın məqsədi böhtan, təhqir, qanuna zidd, təqib, təhdid və ya irqçi məzmunlu mesajları məhdudlaşdırmaq üçündür.

Qayda 2. Fərdi məlumatlar qorunur
Sizin göndərdiyiniz problem haqqında məlumat sayta yerləşdirilərkən sizin fərdi məlumatlarınız (ünvan və ya telefon) yerləşdirilməyəcək.

Qayda 3. Bu platforma fövqəladə vəziyyət barədə məlumat vermək üçün forma deyil

Qayda 4: E-nəzarət aşağıdakı problemlərə dair foto və ya video sübutu olan müraciətləri qəbul edir

1. Boru sızması (su, qaz, kanalizasiya və s.)
2. Tullantıların idarə olunması
3. İcma üçün təhlükə ehtimalları ( təhlükəli vəziyyət, tərk edilmiş əşyalar və s. )
4. Yol örtüyü problemi
5. Transformator və elektrik naqilləri ilə bağlı problemlər
6. Ağaclarla bağlı problemlər ( aşma, quruma, budanma, qanunsuz kəsilməsi və s. )
7. Lyuklarla bağlı problemlər
8. Qeyri-sosial davranış
9. Heyvanlara qarşı qəddarlıq
10. Parklanma qaydalarının pozulması
11. Məktəbdə uşaqlara qarşı zorakılıq
12. İctimai yerlərdə işıqlandırma ilə bağlı problemlər
13. İctimai yerlərdə vandalizm
14. Yol nişanları ilə bağlı problemlər ( nişanın olmaması, zədələnməsi və s. )
15. Panduslarla bağlı problemlər
16. Liftlərlə bağlı problemlər
17. Həşəratlar və siçovullarla bağlı problemlər
18. Sahibsiz və ya vəhşi heyvanlarla bağlı problemlər (it, ilan, ayı, canavar və s.)
19. İnfrastruktur ilə bağlı problemlər
20. Reklamlarla bağlı problemlər
21. İcbari tibbi sığortanın əhatə etdiyi xidmətlərlə bağlı problemlər

Qayda 5: E-nəzarət aşağıdakı problemlərə dair müraciətləri qəbul etmir:

Fərdi işlərlə əlaqəli problemlər (cinayət işi, inzibati icraat, mülki mübahisələr və s.);
Toplaşmaq azadlığı ilə bağlı problemlər;
İnsan hüquqları pozuntuları;
Məhkəmədən şikayətlər.
Qayda 6: Dövlət orqanının işinin qiymətləndirilməsi
Vətəndaşın müraciəti əsasında dövlət orqanı məsələni həll etdikdə, vətəndaş bal sistemi ilə dövlət orqanının işini qiymətləndirir (1 bal – ən aşağı, 5 bal - ən yuxarı).
Vətəndaş hər hansı bir səbəbdən həll olunmuş müraciətə görə bal verməkdən imtina etdikdə, E-nəzarət komandası müştərək qərarı ilə balı özü müəyyən edəcək.